Serata di u Culletivu Parlemu Corsu u 2 d'aprile 2013 in Corti !
U Partitu di a Nazione Corsa (PNC) è u PNC-Ghjuventù v’invitanu à participà à a festa rivindicativa di u Cullettivu Parlemu Corsu, marti u 2 d’aprile in Corti
Purghjimu u nostru sustegnu à a dimarchja indiata da u Cullettivu « Parlemu Corsu » è chjamemu à tutti, da a giuventù in brama di parlà a so lingua à i militenti di sempre à fà festa cù noi, per a Lingua Corsa, marti chì vene in Corti.
Sta serata festiva è rivindicativa, ch’ella sia dinò una tappa maiò di e nostre primure, nant’à a strada di a salvezza è di a prumuzione, à nome di l’idea oramai cumuna d’una sucetà bislingua aperta à u plurilinguisimu.
Cusì chì e mosse chì ci anu purtatu sin’à oghje pratendenu à un statutu d’ufficialità, cum’ellu esiste in tante regione d’Auropa.
Sta serata festiva è rivindicativa, ch’ella sia dinò una tappa maiò di e nostre primure, nant’à a strada di a salvezza è di a prumuzione, à nome di l’idea oramai cumuna d’una sucetà bislingua aperta à u plurilinguisimu.
Cusì chì e mosse chì ci anu purtatu sin’à oghje pratendenu à un statutu d’ufficialità, cum’ellu esiste in tante regione d’Auropa.
U PNC è u PNC-Ghjuventù v’invitanu à sta stonda di gioia, di cantu, di spartera è di spera : « O Corsi, a nostra lingua hè u nostru dirittu ! ».